اول حاجة نجيب حوالي ربع كيلو بانيه ونشطفه كويس
ونقطعه بالعرض شرائح بس متكنش رفيعة
ونتبله ببصلاية صغيرة مع ملح وفلفل اسمر وخل كتير لانها بتحب الخل
يعني حوالي ربع كوب خل
(انا باستسهل وباضربهم مع بعض في المطحنة بدل ما ابشر البصل ناعم)
الفلفل الاسمر كان خلص فبعد مطحنتهم طحنت منه شوية وقلبتهم مع البانيه وزودت الفلفل
وبعدين اسيبهم في التتبيلة مش اقل من ساعتين
باحط الطبق في كيس واحطهم في التلاجة
وقت الطهي اجيب بصلاية حلوة كده بس مش كبيرة اوي واقطعها حلقات رفيعة
وكالعادة باستسهل واقطعها بالمبشرة بالجزء بتاع البطاطس الشيبسي تطلع حلقات رفيعة وحلوة
واجيب واحدة فلفل اخضر واقطعها حلقات رفيعة برضو
وكمان اجيب لية ضاني (باشتريها بالربع كيلو واشيلها في الفريزر وبتقعد معايا كتير اوي)
اقطع منها شريحة (انا اخدت جزء من اللي في الصورة لاقيتها كتير على الوصفة)
اجيب شريحة اللية واقطعها مكعبات صغيرة
واحطها في طاسة على النار من غير اي حاجة
اسيبها لحد متقدح اشيل منها المكعبات الباقية
اطلع الفراخ من التلاجة واحطها على الطاسة وهيا سخنة
(انا باحطها بالتتبيلة عشان بتكون زي المية انما لو بشرتو البصل فالافضل تاخدو الفراخ بس)
استنى لحد متنزل ميتها زي الصورة
(شايفين شرايح الفراخ باحبها كبيرة كده عشان يبان طعمها من وسط باقي المكونات)
وبعدين اضيف ليها حلقات البصل والفلفل الاخضر
من غير ملح او فلفل اسمر لاني باحط بكفاية على التتبيلة
واغطيها
اسيبها حوالي 10 دقايق وبعديهم اتاكد ان الفراخ استوت واشيل الغطا عشان ميتها تنشف
اجيب طماطماية حلوة برضه بس مش كبيرة اوي ويستحسن تكون جامدة عشان متنزلش مية كتير
واقطعها مكعبات صغيرة
واقطع شوية بقدونس معاها
بعد ما الماية بتاعة الفراخ تنشف اضيف ليها الطماطم والبقدونس واقلب تقلبتين واقفل علطول
وده كان غدانا
سندوتشات الشاورما بالكاتشب وبطاطس محمرة
وده كان اللي اتبقى منها وطبعا اتاكل بعد مخلصنا السندوتشات علطول
ملحوظة
للي تحب تكسر حدة اللون بين الفراخ والطماطم والبقدونس
ممكن تضيف كركم للتبيلة عشان كلهم يشربو نفس اللون
وملهوش اي تاثير على الطعم
ونقطعه بالعرض شرائح بس متكنش رفيعة
ونتبله ببصلاية صغيرة مع ملح وفلفل اسمر وخل كتير لانها بتحب الخل
يعني حوالي ربع كوب خل
(انا باستسهل وباضربهم مع بعض في المطحنة بدل ما ابشر البصل ناعم)
الفلفل الاسمر كان خلص فبعد مطحنتهم طحنت منه شوية وقلبتهم مع البانيه وزودت الفلفل
وبعدين اسيبهم في التتبيلة مش اقل من ساعتين
باحط الطبق في كيس واحطهم في التلاجة
وقت الطهي اجيب بصلاية حلوة كده بس مش كبيرة اوي واقطعها حلقات رفيعة
وكالعادة باستسهل واقطعها بالمبشرة بالجزء بتاع البطاطس الشيبسي تطلع حلقات رفيعة وحلوة
واجيب واحدة فلفل اخضر واقطعها حلقات رفيعة برضو
وكمان اجيب لية ضاني (باشتريها بالربع كيلو واشيلها في الفريزر وبتقعد معايا كتير اوي)
اقطع منها شريحة (انا اخدت جزء من اللي في الصورة لاقيتها كتير على الوصفة)
اجيب شريحة اللية واقطعها مكعبات صغيرة
واحطها في طاسة على النار من غير اي حاجة
اسيبها لحد متقدح اشيل منها المكعبات الباقية
اطلع الفراخ من التلاجة واحطها على الطاسة وهيا سخنة
(انا باحطها بالتتبيلة عشان بتكون زي المية انما لو بشرتو البصل فالافضل تاخدو الفراخ بس)
استنى لحد متنزل ميتها زي الصورة
(شايفين شرايح الفراخ باحبها كبيرة كده عشان يبان طعمها من وسط باقي المكونات)
وبعدين اضيف ليها حلقات البصل والفلفل الاخضر
من غير ملح او فلفل اسمر لاني باحط بكفاية على التتبيلة
واغطيها
اسيبها حوالي 10 دقايق وبعديهم اتاكد ان الفراخ استوت واشيل الغطا عشان ميتها تنشف
اجيب طماطماية حلوة برضه بس مش كبيرة اوي ويستحسن تكون جامدة عشان متنزلش مية كتير
واقطعها مكعبات صغيرة
واقطع شوية بقدونس معاها
بعد ما الماية بتاعة الفراخ تنشف اضيف ليها الطماطم والبقدونس واقلب تقلبتين واقفل علطول
وده كان غدانا
سندوتشات الشاورما بالكاتشب وبطاطس محمرة
وده كان اللي اتبقى منها وطبعا اتاكل بعد مخلصنا السندوتشات علطول
ملحوظة
للي تحب تكسر حدة اللون بين الفراخ والطماطم والبقدونس
ممكن تضيف كركم للتبيلة عشان كلهم يشربو نفس اللون
وملهوش اي تاثير على الطعم
%5B2%5D.jpg)
المشاركات
ليست هناك تعليقات:
إرسال تعليق