طريقة همل القلقاس بالحم

المقادير:

1\2 كيلو لحمه


كيلو قلقاس وياريت تكون واحده بس * بمعنى واحده زنة كيلو* وتكون بنتوئات او تقولى للبياع قلقاس نتايه

علشان تستوى اسرع

2 حزمة سلق و2 حزمة كسبره خضرا

عدد 4 فصاص توم مفري ومعاه ملح وشطه وكسبره ناشفه

بصله صغيره ومبشوره

5 كوب شوربه

عصير نصف ليمونه

1\2ملعقة فلفل اسود او ابيض

4 ملاعق كبيره سمن بلدى

2ملعقة سمن نباتى و2 ملعقه زيت

الطريقه:

نقطع اللحم مكعبات صغيره جدا ثم نضع عليه بصله مبشوره ونصف ملعقة الفلفل الأسود او الفلفل الأبيض

ثم نضعها فى الثلاجه لمدة ساعتين

ثم نقشر القلقاس

ثم نقطع القلقاس مكعبات صغيره ونضعه فى طبق به ماء مغلى

نقطع ورق السلق وورق البقدونس ونضعه فى دورق الخلاط ومعه 2كوب ماء وامزجهم مع بعض

اصفى ورق السلق والكسبره بالمصفا على الشوربه

احضر اللحم من الثلاجه واشوحها فى طاسه بها 2ملعقه سمن نباتى ثم اركنها على جنب

تشوح لمدة4 دقاق مع التقليب المستمر حتى لاتفقد


اللحمه الميا الموجوده فيها وتنشف

اصفى القلقاس من الميا المغليه بعد ساعه مثلا فى مصفاه واغسله بميا سخنه وبعدين اعمله مفاجآه واغسله بميا بارده ههههههه

اضع ملعقة سمن و2 ملععقة زيت زره او زيت زيتون او اى زيت تفضليه فى حله واضع فيه مكعبات القلقاس

واشوحه اربع او خمس دقائق

اضع عليه الشوربه الموضوع عليها مياه السلق والكسبره المصفاه

ثم نضع عصير الليمون على الشوربه ودى افتكاسه امنع بيها تكون اى خيوط للقلقاس

نضع اللحم المشوح على القلقاس ونقلبهم مع بعض ثم نتركهم

وعندما ينضج القلقاس نطفى البتوجاز


نضع طاسه على النار ونضع فيه السمن البلدى ثم نآخذ السلق والكسبره الموجوده فى المصفا ثم نضغط عليهم بمعلقه او بالأيد

ثم نضعهم على التوم المفرى ونضع الخليط كله فى الطاسه

ثم نقلبهم بالمعلقه

نقلبهم حتى يصبح لونهم اقرب الى اللون الزيتى وينشفو ويصبح شكلهم كما فى الصوره

ثم نضع الطشه المكونه من الكسبره والتوم والسلق على القلقاس الناضج

ثم اغرفها فى طبق واقدمها ساخنه

• غرد
• مشاركة
• اضافة